經歷詳述:
范醫生剛剛（上星期）為我接生咗小女兒，整個懷孕和分娩過程都是愉快的。我大仔係喺加拿大出世，坦白講最初對香港D婦科醫生無乜好感，因為有幾位朋友親述佢哋嘅婦科醫生態度幾差，同埋只係想你開刀生仔等等（我堅持順產的）。當我知道自己懷孕時，我去咗兩位婦科做檢查，范醫生是其中一位。第一位俾我感覺佢好機械式做嘢，好似心裏面有張checklist做完就想我離開。因為我唔係好清楚喺香港生仔嘅手續，所以我要嘅係一位肯耐心聽我發問同解答我疑慮嘅醫生。於是我選擇咗范醫生。因為係第二胎，生產流程都好快，但由於第一胎是用無痛分娩，第二胎當我求䕶士和范醫生給我痳醉針時，佢哋好堅決咁reject咗，佢哋話BB好快出來，根本就不用打針。因為佢哋嘅專業判斷，我省去了$15000。值得一提是我的傷口康復得很快，不用食止痛藥大約一週就好番了。相對第一胎我需要三週才康復。心想范醫生應記一功。
訪客Wong, 其實我和老公都留意到你講的那位䕶士沒有另外那一位咁親切。不過最近我再返去做產檢時，她已改變了很多。你不妨再給她一個機會，也給自己的BB和太太一個好醫生。
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇