經歷詳述:
診所內病人不多，但都要攪左成半個鐘有多才完成登記，第一護士登記錯漏百出，個護士又唔專業又唔專心，好似咩都唔識咁，每日登記步驟都問多次，平時都已經睇開的，應該會有登錄了，但護士不知就擾攘一番才登記好，第二攪了數十分鐘終於登記完其他病人都已睇完，諗住可以到自己睇啦，點知明明無病人了，又遲遲都唔叫我，又再等了一陣醫生先肯叫我睇，以為佢好忙啦，點知一入病房個醫生係到睇股票囉！醫生又問非所答，支吾其詞 咁，心不在焉，唔怪之得跟本成間診所加埋我得個3個病人都要等咁來啦⋯⋯
第三 其實前後都睇左3次，都止唔到咳，，唔知到底係醫生退步了，還是藥物差了，之前都睇開陳醫生的 但最近半年開始覺得越睇越唔好，又已經食埋好幾日抗生素啦！感覺病情並沒好轉，咳沒有減少，到了晚上更嚴重添，之後試左睇第二個醫生，結果人地比左5日藥我，但我只食左第二日就已經感覺好 返好多了，病情有改善到，所以之後我都會決定轉去新醫生到睇啦⋯⋯
簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧