經歷詳述:
我參加左網上個驗5款生育荷爾蒙package,附有醫生解釋報告。
報告出左後, 許醫生話我FSH係5 係低, 我問醫生明明個報告寫normal range係4-13, 點解5係低? 醫生話總之5就係低。佢之後話我LH又係低。我同醫生講我係想生育, 咁我可以點? 醫生就話幫我調一調, 就開左一個月嘅兩隻荷爾蒙藥俾我, 仲有第二個月嘅排卵藥+同一款個兩隻荷爾蒙藥俾我。共收左我$1200

當我食左第一個月嘅兩隻荷爾蒙藥俾我後, 我自己早上日日驗尿,見LH都無升跌(i.e.個排卵紙係得條control線), 就覺得好奇怪,上網一search, 原來我第一個月食嘅藥係同黎避孕, 即係我又浪費左一個月。我即刻打番去醫生到, 個姑娘先聽電話,我問點解開呢兩隻藥俾我。姑娘問完醫生後,佢話醫生話我係因為要同我調順D月經, 應該你月經唔準, 我話我月經好準,點解要調。姑娘就話等醫生親自覆我。之後收到醫生電話, 佢話「D藥係同你調下」,我問我月經好準,點解要調, 同埋你話調, 其實係調咩, 佢話因為我FSH低。我都費事再問, 都唔會食佢第2個月D藥。

之後我即刻去睇仁安李天照教授, 我驚我D荷爾蒙俾佢攪到亂哂。李教授話我FSH 同LH值都好靚, 就問點解個醫生要開呢D藥俾我, 我話醫生話要調下。李教授就話今個月唔好再食呢D藥喇。之後李教授都無開過任何呢D荷爾蒙藥俾我, 因為佢話我D 生育荷爾蒙係完全無問題。


簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧