經歷詳述:
保險介紹既實在太貴。
於是我自己上網search到呢間中心。
上網睇過完全冇差評, 於是就約時間上去見第1次醫生。

一上到去, d姑娘好到不得之了, 細心有禮貌👍🏻
每件事都清清楚楚, 非常有條理👍🏻
(由第1次見 & 睇報告, 姑娘態度都真係冇得彈!)

由於我拎埋份驗身報告比醫生, 打算只係比醫生睇其中一項高左既指數。
點知醫生逐頁逐頁同我解釋! 係逐頁逐頁!
仲詳細過間驗身公司🥰
周醫生好好傾, 好仔細咁解釋過程..👍🏻

見完醫生至到照完, 準備睇報告呢段時間-
姑娘都有whatsapp跟進, 又提醒我睇報告時間。

我覺得價廉物美已經唔可以形容成件事。
我會形容為: 價低物離晒譜地超出意外高!!!!

簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇