經歷詳述:
大家都會見到之前嘅意見好多劣評，本人見識過之後所有差評真係都100%冇講錯。我係因為工作原因被迫要選擇見一次呢位醫生，不專業都不足以形容佢嘅低劣，羅宜昌完全冇足夠嘅骨科專業知識，基本痛症醫學常識都唔識，問佢可唔可以解釋清楚少少痛症產生嘅成因。除咗物理治療有冇其他嘅解決方法可以參考一下，佢就開始發憫憎，話冇乜好解釋，話自己冇呢方面嘅資料唔清楚，我真係第一次見識到咁不知所謂嘅醫生仲要係專科。。見到俾佢亂咁做手術出咗事嘅留言我都好戥嗰位病人痛苦，絕對相信呢個醫生做得出呢種行為，佢只係想你食藥，做佢介紹嘅物理治療，或者喺你身上做到手術咁就賺到錢。知道喺你身上賺唔到錢就變臉態度極差，不過其實一接見嘅時候佢嘅態度都已經好惡劣，大家請小心，其實有得選擇嘅話，港島區仲有好多有心有耐性解釋嘅好醫生，除非閣下想俾人誤診，胡亂判斷要做手術，胡亂進食一堆西藥，或者病緊心情已經好差，仲想受醫生氣。請小心選擇👌🏻

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧