經歷詳述:
真心好想多謝麥醫生救番我隻牙同救番我銀包
疫情無得洗牙，一洗發現打橫生既智慧牙蛀左前面隻大牙，咁一個醫生就話我隻牙難搞，叫我搵其他，咁搵左另一個，佢都話我隻牙難搞，佢可以試，但唔成功都收一半，或者佢推介麥醫生比我
當時問完幾錢，整埋牙套要2/3萬，當時覺得又貴，而且又驚，我一拖拖左兩年
我上個月再一次洗牙，我叫醫生專介多次，琴日終於去搵麥醫生
麥醫生一入去問我隻牙其實點，我話其實無痛過，但都想解決佢，因為怕到時再遲救唔到
之後佢幫我照完，再慢慢用ipad解釋我聽，佢話可以試下補，我當時興奮到問係咪真🥲
佢仲提供左三個建議，可以試補先，如果發炎，又再另一個方法，最後最後先杜牙根，咁我當然揀試左先，最後，我用左最簡單補牙就搞掂左
奇蹟丫，因為兩個醫生都話一定要杜，無其他選擇，去到麥醫生度，我仲可以有三個選擇，麥醫生仲講笑話，無咩事都唔洗再搵我家喇
我開心到真係唔識講，收費仲要好合理，幫我慳左5/6既價錢，仲要中環，真係好感謝麥醫生，所以我特登上黎打篇野推介比大家，麥醫生細心又為病人出發，唔會係咪都叫你杜，仲會幫病人慳錢，太有心既醫生，仲好好耐性，好細心溫柔，令到你唔緊張！
大家可以多一個選擇，睇過幾個牙醫都急急趕咁，問野都答d唔答d，麥醫生會有問必答，又快捷，太開心遇到佢♥️

簡評:
個人觀感- 仁心仁術、醫德高尚
經歷過程- 醫生會主動探索其病因及治療
推介意見- 值得向有需要人仕推介