經歷詳述:
本人約於6年前曾攜家人到政府醫院睇骨科，當年初次認識彭醫生，已對他印象十分深刻！我記得當年我家老人家腰痛至行動不便，當日在繁忙既門診等待，聽到叫名後，我家老人家拐下拐下行左好耐先去到彭醫生門口，房門開著，彭醫生見到我家老人情況，馬上起身走出來門前幫忙，扶著老人家慢慢行到診證既位置，再細心檢查老人家及講解有關老人家既情況，老人家重覆提問，彭醫生都好有耐性去講！坦白講，伴同老人家在公立醫院覆診多年，在繁忙的門診部從未有醫生如此放下身段，助家屬一臂之力安頓病人，好多醫生都係坐係到等病人整頓好先前來檢查，講多兩次已經好唔耐煩！所以對彭醫生印深刻！

直到2016/3/12早上，本人起床時突然腰痛，下肢舉步維艱，上網搜查骨科醫生，比我見到彭醫生已經私人執業了，馬上打去診所預約。當日係星期六，大家都知好多醫生都收半日。彭醫生都唔例外，所以預約已經好FULL，但姑娘聽到我痛得咁辛苦，馬上幫忙請示彭醫生，彭醫生願意加証予我，還提示我不要趕急，一定會等埋我先收工。

我去到診所，姑娘一開門彭醫生見我拐下拐下，又再一次馬上走出黎扶我入去診証。彭醫生馬上安排我去照X－Ray，並診斷我是急性椎間盤發炎。醫生好細心咁同我問証，又解釋比我知情況！
彭醫生建議我先打止痛針減輕痛楚。再即時幫我做簡單既物理治療，用機（電）條腰，去舒緩我既痛楚。
果然，即日係診所做完一系列治療我腰痛情況已經改善左7成，醫生再安排消炎藥同止痛藥比我番屋企食，一星期後覆診。是日診金＋X-RAY＋打針＋物理治療＋藥物都係＄1800左右。

重點係：臨離開診所時醫生叮囑我，如果突然痛多左或者有咩情況都可以致電診所既手提電話，就算醫生星期日放假，佢都可安排我接受到治療！
作為病人聽到呢一番說話真係好窩心同放心，因為好多時睇私家醫生，就最怕係非辦工時間有突發情況會搵唔到醫生。
點知，第三日我就再出現突發情況－腳痺！醫生就安排我即日番去做檢查同多開兩隻舒緩痺既藥比我。當日診金＋藥費＋物理治療 ＄1100到。

食左三日藥其實就已經完全唔再痛唔再痺，今日覆完診醫生就話食多一個維他命同放鬆肌肉既療程，無特別野已經唔需要再番黎覆診。

彭醫生既好係在於會放病人係第一位。真心推介比有需要既人。
簡評:
個人觀感- 仁心仁術、醫德高尚
經歷過程- 醫護人員親切有禮的提供協助
推介意見- 已視為本人的必然選擇