經歷詳述:
早排下午我去左見葉醫生做個覆診 不過係我咁多年來最反感的一次
當日我見完醫生後出廳面等攞藥畀錢 見到幫我登記嘅A姑娘執緊藥
之後就攞藥入醫生到 A姑娘出來後 將藥交畀帶防疫眼鏡嘅B姑娘 問題就由哩到開始
B姑娘坐喺到攞住我嘅藥望來望去 又對住電腦唔知做咩禁來禁去 搞左3-4分鐘之後先叫我攞藥
B姑娘同我講醫生開左兩款藥畀我 講解完點食之後 我就同B姑娘講其中有款藥之前醫生已開過畀我備用的 屋企同一包都未食未過期 我唔需要
B姑娘就走去查電腦然後同我講包藥好平 要拎返屋企去備用
咁我當時已經同佢講唔係價錢問題 係我真係唔需要
B姑娘就好不滿地叫我等 之後就入左醫生房 出來後就話醫生叫我照要包藥 不停重複包藥好平 唔需要好多錢
我冇需要當然堅持唔要包藥
點知B姑娘就超級不滿地飛左包藥畀A姑娘叫佢執反好包藥放反去藥架 然後又對住電腦禁來禁去 再用好差嘅態度向我收錢
其實作為一個消費者同病人 當我冇需要嘅野我當然唔會要
我好想向B姑娘講聲唔需要同價錢平貴無關 你作為一個姑娘你應該企喺病人嘅角度出發諗清楚先解答病人
就當唔講病人 就算你係一個消費者 強迫你買一樣你冇需要嘅用品反屋企你有咩感受
葉醫生我好多年前已經係你嘅病人 你搬鋪前後我都有來覆診 之前都有見過A姑娘及另一位姑娘 佢地都好好無問題 唯獨帶防疫眼鏡嘅B姑娘令我好反感 我認為你應該考慮一下B姑娘嘅工作態度是否適合做姑娘

簡評:
個人觀感- 態度有失、醫德有損
經歷過程- 求診病人實在太多，等候需時
推介意見- 可能人夾人緣自己衡量