經歷詳述:
手腕一年前骨折 做過手術 仲未好哂
佢一睇咗我之前啲x光片即刻叫我照張$4000嘅磁力共振 要照吓啲軟組織同血液供應
問佢個傷會唔會有機會好翻哂 大概幾成機會 佢話要睇磁力共振先知
問佢洗唔洗做多次手術 要做嘅機會大概幾多 佢話要睇磁力共振先知
問佢有機會要做咩手術 佢話要睇磁力共振先知 仲同我講如果你想知哂咁多個有機會要做嘅手術 Google都搵到啦 (Google咩都答到我我就唔使洗成千蚊睇你啦有無腦啊)
問佢可唔可以打波 打少少定完全唔打 打嗰陣要咩保護 咩exercise做得唔做得 完全答唔到我 講到尾都係要睇我磁力共振 又同我講common sense都知你骨折梗係最好唔好打 喂如果我係要一個咁common sense嘅答案我求其問人都得啦 洗乜俾咁多錢睇你?
好啦咁我照啦 但我話四千蚊有啲貴 問佢公立醫院大約要排幾耐 又答唔到我

洗咗千二蚊諗住睇個專業嘅醫生要啲意見點知一個問題都無答我 真係多x謝哂

最搞笑係最後收咗我千二蚊 唔係一開始講最嘅最低收費嘅一千 原因係我個case複雜

乜advice都無俾過我 剩係喺到吹水 咁都叫複雜乘機收多我二百 你係得嘅 真係一個好有醫德嘅醫生

結論: 俾千二蚊剩係同我講要照磁力共振 如果你覺得值嘅話 go ahead睇林醫生啦

P.s. 我個朋友睇咗錢平醫生 對佢讚口不絕 雖然難約小小 但點都等
簡評:
個人觀感- 診效不顯、收費不稱
經歷過程- 診証時間極其急趕，快來快去
推介意見- 本人絕對不會再作光顧