[ 眼科 ]

我是因為眼睛感覺很不舒服, 好似很乾, 但有時又有淚水, 見網評不錯, 才去看周醫生.

可惜明不符實, 入房後佢問我做邊行, 同佢講律師樓, 平時對很多文件, 佢就一口咬定話係乾眼症, 仲遞左張改善乾眼手術的宣傳單張俾我, 叫我考慮做手術改善.

我記得之前去政府睇過, 乾眼症係要用有色試紙, 放在眼底夾住5 - 10min, 再睇果張試紙, 才能確定係眯淚水不足, 係眯乾眼症. 於是我又約了另一位眼科專科醫生, 人地用試紙測了, 話我淚水唔穏定, 但唔係乾眼症, 叫我熱敷眼睛, 應該可以改善情況. 現在熱敷兩星期, 真係無咁乾, 眼睛舒服左.

所以我唔會再幫襯周醫生, 為求搵錢, 不顧病人情況, 亂咁叫人做手術, 有失專業操守.