[ 眼科 ]

因為眼晴痛醒嘅情況係一兩個月內愈嚟愈瀕密同嚴重，所以上網搵私家眼科醫生，見到醫生呢度嘅好評都幾多，就試吓睇。

護士同醫生都幾nice；有做各樣基本檢查，醫生都算詳細講我嘅情況可能有兩個原因，一係可能眼角膜損咗，二係可能病毒感染，但話check唔到我眼角膜損咗，咁我又無整親過隻眼，咁就話試吓第二個可能原因嘅治療方式。

不過，過咗兩日，又痛醒咗，痛到開唔到眼，唯有睇急症，再轉咗我上眼科睇，就check到我眼角膜損咗，已經唔似呢幾日發生，幸好嘅係有得醫，我都放心啲。

雖然我唔排除有以下嘅可能，就係睇完醫生後個兩日時間會整損到呢個程度，仲要痛到開唔到眼，狂流眼水⋯⋯anyway 利申：我唔係專業，但都想留低呢個case係呢度，講吓今次因眼疾求醫嘅經歷同個人感受，畀各位網民參考吓。