箍牙問題

病患者女 - 28歲

箍牙問題：牙齒天生向內傾，導致牙齒位置不齊整，原本未照大片時，醫生話要剝4隻第一隻小臼齒，其中一隻因為牙頸位斷裂（24）長期生牙瘡，所以醫生揀左呢4隻剝（我也曾去問過專科醫生都話要剝牙才箍牙）。

但牙套到左後（第二次見醫生），醫生通知我話唔洗剝牙，將牙床向外擴出拉直牙齒（垂直返啲牙），就夠位排返好啲牙，當時我滿心歡喜，然後問醫生，甘我隻24點處理，醫生竟然唔記得左（醫生有冇問題？），仲問我邊隻、又話要照多次牙腳片，（第一次見佢都有同佢提及過同埋當時已照左牙腳片）然後，即場佢話要杜牙根，要杜24同34，我話如果係甘不如剝左佢4邊小臼齒再箍牙，按當最初計劃，佢話做唔到，原因前排牙唔能夠後退大多。

我當時聽佢講即時都做左24杜牙根，佢只話左杜牙根收費，無講到牙套收費（我都唔知有呢個收費，係朋友提醒我問），我事後聯絡診所姑娘先知收費（價錢唔講清楚，醫生有冇問題？）隔日（第三次見醫生）我返去診所再同醫生溝通，佢先同我講話我個case係牙頸裂，做左牙套都未必保護到，可能未必要做，佢話到箍好牙先決定做唔做牙套（這樣做法對嗎？上網見啲人杜原牙根要盡快做返牙套）我原全失哂預算，我有懷疑醫生係訂哂牙套後（冇預我剝牙），唔想幫我做剝牙先同我講唔剝得牙去箍牙？之後我又再之問佢係咪真係唔可以剝牙箍，因為我果4隻牙都分分鐘要杜牙根，可否乾脆剝左佢，醫生呢個時候又話可以既，不過我要排返好前牙先，到時再諗下剝牙問題（做法是否正確？）

希望有醫生可以解答我以上疑問，感激不盡🙏🏻

黃文昌醫生回覆:
2/21/2021

建議諮詢牙齒矯正科專科醫生，進行詳細及全面的臨床及x光檢查，評估每隻牙齒的牙冠及牙周狀況，咬合位置，牙弓及空間分析，和上下顎的生長比例等，再行制訂矯齒方案，決定是否需要脫牙。

倘若個別牙齒因為斷裂而需要進行根管治療（俗稱杜牙根），則建議諮詢牙髓治療科專科醫生，評估根管治療的存活率和成功率，這對牙齒矯正方案亦會有影響。

一般來說，完成根管治療後的牙齒會變得脆弱，容易崩裂，所以醫生會建議進行牙套修復，避免牙齒因意外崩裂或破損，影響根管治療的成效。

至於收費和做法方面，相信不同醫生及不同診所也有不同的處理方式，需要醫生和病人互助溝通、配合和了解。

Dr. Dennis Wong

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。