媽咪腳抽筋心悸

病患者女 - 82歲

你好，黃醫生，媽咪年紀82歲，有地中海貧血，之前一直有心悸，間中腳抽筋，佢話有時會抽到上心口，佢成日話自己唔夠血，試過去醫生度注射B12針劑，覺得精神左，心悸情況又好左少少…所以隔一排就去打針，請問醫生媽咪應該咩事？

係咪真係唔夠血？可以有咩方法令媽咪唔好成日抽筋？媽咪越嚟越瘦，現只有80磅左右，會唔會係媽咪吸收營養不夠？因為媽咪咁多年飲食都超級健康，喜吃飯和菜，少肉，只吃一點點雞或魚，所有雜食都好少食，睇住佢越來越瘦，好擔心，謝謝醫生意見！🙏🙏

黃惠康醫生回覆:
5/1/2022

問題1：黃小姐母親有心悸，腳抽筋，請問醫生媽咪應該咩事？
回答：心悸，腳抽筋這兩個病徵都有超過十多個原因所導致，有些是良性問題，亦有一些背後是嚴重的問題！我建議黃小姐早日安排母親見家庭醫生, 釐清問題的急切性，最好提供更多相關的資料, 亦需要進行一些化驗檢查，醫學就像警探查案, 目的要找出隱藏的病, 然後才可以對症下藥處理, 警察遇到有人報案, 小需要徹查才知真相, 有時診症都是如此。
希望黃小姐明白這個意思。
問題2：黃小姐母親越嚟越瘦，現只有80磅左右，睇住佢越來越瘦，黃小姐好擔心。
回答：黃小姐母親的確體重太輕。可能性真的太多：
牙齒有問題（例如牙周病）、
內分泌失調（例如甲狀腺分泌過多）、
器官衰竭（例如成功能衰竭、肝功能衰竭）、
慢性疾病（例如免疫系統疾病）、
腫瘤性問題（例如腸癌、肺癌、胰臟癌）、
社會性問題（例如缺乏適當照顧）、
精神科問題（例如抑鬱症、妄想症：怕人毒害所以不吃）等等
我建議先找熟悉的家庭醫生, 透過診症、檢查、化驗, 得知是屬於哪個範疇, 再由家庭醫生轉介適合的專科醫生！
祝福黃小姐母親早日康復！

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。