註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
原來楊醫生已經私人執業，我在網上巧遇上他的資料。
我第一次接受楊医生的治療是在醫管局，他介紹我到私人檢驗所做磁力共振，還給我寫了一封轉介信，可以以較平價錢做檢查，他向我解釋以我的情況，用這個方法是最快，而且最便宜。
在醫管局接受治療，我跟楊醫生之間是完全沒有金錢關係。兩星期後，他騰出時間為我做了手術。 他好像感受到我內心因為腳患有何等的難受。
我認為這就是「仁心仁術，無私奉獻， 服務社會！」
我從没想過，我處身政府醫院，能接受到私家醫院的服務。
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 不可多得，值得等待

經歷詳述:
跟其他專科醫生相比，楊醫生好唔同。
最令我印象深刻係楊醫生好為病人著想，並不像其他醫生那樣......叫你做檢查，做手術，開唔同嘅藥畀你， 而楊醫生係會細心分析清楚用何種方法對你是最好，最有效，開藥畀你亦都幫你諗清楚需唔需要食呢一種藥。
在我而言，胡亂做檢查是 浪費時間，胡亂吃藥是 影響身體。
所以，我認為楊醫生係一個好醫生。
簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 值得向有需要人仕推介

經歷詳述:
我一向都鍾意打籃球，有次唔小心用手落地整親隻左手腕，起初諗住係小事，抖下冇事，點知痛左成晚瞓唔到……經朋友介紹去咗睇楊醫生，佢好細心咁幫我做檢查，又叫我試吓做呢個做嗰個動作俾佢睇，睇吓手腕嘅舟骨有冇裂到……世事往往就未能盡如人意，好不幸我左手手腕舟骨真係裂咗，要做手術，但好彩嘅係比我遇到楊醫生，好專業咁幫我檢查出來，因知道舟骨可能出咗事之後，我同老婆都有即刻Google下相關資料，發現原來我呢種骨裂雖然唔算好嚴重，但漏診（即係普通科醫生未必一定檢查到出嚟）嘅機會就好大，最後就會小事化大，影響咗成隻左手玩嘅活動！ ！ ！ ！當然我最後都要搵楊醫生幫我隻手做手術，佢亦好細心同我分析如果唔做手術包石膏可能未必會好得番，就係因為佢嘅專業俾到病人信心，我最後選擇相信楊醫生嘅意見做手術上粒螺絲入左手腕。喺度真係好感謝楊醫生嘅幫忙同好欣賞佢專業嘅態度。我本身都係專業人士，明白就係呢份專業嘅知識同態度令人信任嘅最大原因！
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
雙腳腳底無啦啦起身好痛,維持左3個幾月,頂唔順要揾骨醫,朋友介紹左楊醫生,話佢對哩種症好有經驗.醫生好NICE呀,仲關心我唔好行咁多街,哈哈!唔該醫生.我好左好多啦.(有做運動同食藥).
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
睇完之後真係覚得好感恩所以想上來寫這文！我父親膝頭痛左很久，前後起碼一差不多十年（大約）！之前都睇過唔少醫生！醫生意見是退化左好難好，結果去政府度排期骨科，但真是痛死也未排到因要等到2年後！可能天氣濕，爸爸又話好痛行不到樓梯！之後問朋友介紹下去睇楊醫生，爸爸之前都好想做換關節手術，楊醫生係好親切，好詳細解釋我們知咩情況應做，咩事唔可做！佢話父親情況係差左少少所以都建議做，等之後可以行得好d和冇話成日痛！於是去左私家度做！講真做之後我同媽也有d擔心，楊醫生之前果晚又再同我地講下其他病人做完既情況，真係令我們放心d！
父親已於上星期完成手術，已經冇乜痛仲可以行，真係好感恩楊醫生嘅幫忙同埋細心！過程之中同我地緊密溝通令我哋好放心!父親也好開心和多謝
簡評:
個人觀感- 健談友善、感覺良好
經歷過程- 醫生會從病人出發去提供意見
推介意見- 已視為本人的必然選擇

註冊專科分類

睇醫生網 Seedoctor