註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
好感恩經我好友兼保險經紀介紹，我認識咗楊醫生，我隻天殘腳終於唔再天殘，又可以繼續好好咁練我既空手道
因為姿勢唔正確，我練得越耐就越易受傷，呢幾年都斷斷續續送咗唔少錢俾跌打師傅 (睇到師傅都講笑話唔想再見到我，搵佢吹水就好歡迎)。儘管跌打師傅好好人，不過都係只當我普通拗柴甩骹之類咁醫我隻腳。上年開始，我既膝蓋都開始同我投訴，來唔來就痛一陣，行路kick一陣咁款。見唔舒服既次數多咗，我終於都捨得去睇骨科醫生。楊醫生好好人，好有耐心咁聽我講邊度唔舒服，跟住再同我檢查。
唔係楊醫生我都唔知，原來我唔係膝蓋有問題，反而係腳腕既韌帶因為我以前既舊患同兩個月連續性既拗柴(醫生話呢啲叫慣性拗柴)有問題先啱，按佢過往既經驗，我好大機會係韌帶撕裂 (⊙＿⊙)。首先佢就安慰我叫我唔駛咁擔心先，話我以後仲有得練空手道既，不過而家就要抖一抖先，跟住佢再因應我既運動黎同我解釋而家係咩狀況。
今次又長知識了，楊醫生唔講我都唔知，原來拗柴都可大可少，而我而家算係大個類。楊醫生好好人呢，唔會亂叫我咩檢查都做，只係有需要既先叫我做，仲為我荷包同隻腳著想，唔建議我咁快就決定要做手術，叫我試咗物理治療先。
從未聽過一個醫生願意花咁多時間同個病人解釋咁多野(通常講幾分鐘已算見得耐) ，所以當見到物理治療效果唔太理想，因為都對楊醫生好有信心，就唔再考慮咁耐，直接拍板做手術。
完成手術後，醫生每日都不厭其煩咁問我傷口點樣。試過有日我好懶醒，見醫生話我好得快，傷口剛拆完線就四圍走。結果，就又要勞煩楊醫生幫我處理傷口，好在醫生無話我姐，仲苦口婆心咁叫我乖乖地唔好再四圍走住。
一星期後，傷口終於完全埋哂口，我可以開始做物理治療了。因應我既狀況同背景，楊醫生介紹我去搵另一個物理治療師做物理治療。做咗幾個星期針對我傷患同運動既物理治療，感覺隻腳真係好過以前好多，無咗唔穩陣既感覺，平衡又好咗，我又可以開始練返我既空手道了。
簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 值得向有需要人仕推介

經歷詳述:
本人因為坐骨腰至小腿痛楚去就醫, 因為睇過其他病人嘅網上回應以為真是一個細心詳盡嘅醫生, 點知入到去診症室未夠五分鐘就出返嚟再上床幫你按壓檢查也沒有. 我主動告訴醫生在醫健通有我醫院的病可能需要他看看因為也有驗血報告好像有些發炎指數, 楊醫生就說你知道你就告訴我啦！本人覺得這個醫生完全沒有醫生的仁慈愛心只係急趕睇完一個正就收錢。非常失望！如果真是沒有其他骨科醫生可以一試嘅！

簡評:
個人觀感- 普普通通、中規中距
經歷過程- 診証時間極其急趕，快來快去
推介意見- 在無其他選擇下可一試

經歷詳述:
爸爸2室同多時，因為公立醫院要排期很久才可看病，於是在朋友介紹吓找楊醫生。由上年開始睇，一直跟進，嘗試物理治療打針和食藥，不過醫生始終建議最好做半失關節置換手術。於是和爸爸商量後，下定決心，在一月份完成了。原本擔心手術後爸爸會未能走動，出乎意料地，手術後第一兩天已經可以用工具輔助行幾步路了。爸爸亦覺得好開心，雖然有少少漲熱，但應該慢慢會好起來。這段時間多謝楊醫生的照顧和關心。

簡評:
個人觀感- 醫術精湛、鉅細無遺
經歷過程- 醫護人員親切有禮的提供協助
推介意見- 已視為本人的必然選擇

經歷詳述:
楊醫生非常專業！本人因有腳指公外翻問題需要動手術，對動手術與否仍有考慮，希望尋求多一份專業意見才作決定。

楊醫生態度誠懇，給我解答了很多問題及疑慮，亦不計較我是否找他動手術。他給我分析不同手術的風險及好處，而且態度認真，有禮！收費亦合理，值得推介！

另外，診所職員非常有禮貌，雖然忙碌，亦不會推趕病人👍🏻

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
我有腳跟發炎已經好幾年，行十多分鐘就痛，試過睇好多醫生,食咗好多治痛藥，做左上百次物理治療，連針都打埋都唔好。其實已經想放棄。今次都係朋友介紹，本來都唔抱太大期望，點知睇完楊醫生，佢話我唔似一般筋膜炎，安排左我抽血，確診係「強直性脊椎關節炎」。果刻真係百感交集，終於搵到病因，但點解之前睇左咁多個都搵唔到，醫生話仲要睇埋風濕科先知有冇藥幫到手，亦唔建議做手術。我諗如果我無去到，真係唔知仲要拖幾耐，好多謝醫生


簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 想充分掌握病情者應試

註冊專科分類

睇醫生網 Seedoctor