註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
因為要治療牙周病上網Google了一下，無意中發現了陳醫生。先WhatsApp陳醫生討論我情況，陳醫生覆得好快（我未見過醫生會親自覆病人msg😅)溝通好後便採取試一下既心態。去到陳醫生診所，陳醫生佢好耐心解釋我情況同耐心咁解答我問題。治療當日決定拔埋智齒，陳醫生手勢好好，仲安慰我叫我唔好驚，過程係完全唔痛。
術後2日陳醫生仲親自WhatsApp 問候我傷口情況😊另外陳醫生診所姑娘都好有禮貌，好好人，會好清楚咁解釋治療後要留意既事項，推薦！

簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

經歷詳述:
細細個就好驚睇牙醫，但最近因為感覺d牙開始向入移位，經朋友介紹後就搵陳醫生幫手。照完3D 掃描後就決定剝左兩隻智慧齒佢。陳醫生好細心，每做一步都會問我有無覺得痛或者唔舒服，先會再做下一步，而整過過程一d痛到惑覺唔到。事後姑娘都有耐性地講解點樣處理傷口。值得推介！
PS:陳醫生仲要親自夜晚12點whatsapp問我傷口如何，真心好難搵咁好既牙醫

簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 值得向有需要人仕推介

經歷詳述:
之前已經喺陳醫生度做過兩次隻種牙,一隻牙套, 冇嘢講, 幾個月嘅過程, 手術完全唔痛, 簡單啲就係快靚正! 開頭 決定要種兩隻牙嗰陣時都有啲驚, 自己驚痛又驚手術有危險性, 但經陳醫生講解, 同埋佢哋醫務所嘅器材又好先進, 做完之後真係非常滿意! 最近食嘢嗰陣時咬到硬物裂咗隻牙, 因為裂得好深,最終都決定剝咗佢, 都係揾陳醫生處理,又唔痛又快手, 剝咗都唔知! Really thanks to Dr.Chan and his team.

簡評:
個人觀感- 經驗豐富、絕不拖症
經歷過程- 醫生會主動探索其病因及治療
推介意見- 已視為本人的必然選擇

經歷詳述:
左邊下顎智慧齒橫生，雖然冇蛀牙亦冇痛，不過想在離開香港之前搞掂呢隻困擾多年嘅智慧齒。

早兩日去咗陳醫生嘅診所脫智慧齒，好多謝陳醫生同診所姑娘嘅專業服務。診所環境非常舒適（個人好鍾意診所嘅木色設計），姑娘好快就安排登記入房照3D X光。好彩我隻智慧齒生得唔近神經線，醫生話好快可以搞掂，叫我唔使擔心。

脫牙前會喺牙肉打麻醉針，陳醫生會確保麻醉針完全發揮效用先開始進行剝牙。脫牙手術過程非常快捷，前後應該只係用咗5 - 6分鐘時間。過程中雖然會感受到醫生需要好大力剝牙，但係完全唔痛。醫生亦好細心咁提示我「之後可能會聽到咔一聲，唔使擔心，係正常嘅」，令我覺得好安心。

手術完成後，姑娘好細心講解術後應注意事項，亦會提供一張紙仔，詳細講述脫牙後有咩要注意，唔使驚唔記得。手術後第二日已經可以正常進食，當然要注意唔好食啲太硬嘅嘢啦。

非常滿意今次脫智慧齒嘅服務，再次感謝陳醫生同診所姑娘，令我可以擺脫智慧齒嘅困擾，以後食完嘢唔使再撩咁耐牙啦！


簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
因牙周病關係導致要脫牙，由於今次要脫的牙比較多，而原先睇開的牙醫設備較落後，於是網上尋找到陳㵆賢醫生。
第一次上到荃灣的診所接待處，感覺環境開揚舒適；入到診症室，設備頗新、姑娘細心的安排，還有電視播放著，使緊張情緒也稍微舒緩。
陳醫生給我爽快及專業的感覺，他細心講解我牙齒狀況及建議合適我的處理方法。
治療過程中，陳醫生手勢很好，除了打麻醉針那一刻少許痛外，基本上手術後都沒有太多的痛感，所以連止痛消炎藥也沒有吃過。而這次陳醫生替我做的假牙及植牙亦很合適舒適。
另一樣是我以前無論看甚麼科醫生也未試過的，就是陳醫生會親自 whatsapp 跟進我治療後有沒有感不適的情況，並解釋我的疑慮，令我感到他對病人是非常重視及有心的。
經過數月的療程，總括來說，我非常滿意陳醫生及其團隊熱誠細心的服務。

簡評:
個人觀感- 詳盡親切、耐心施診
經歷過程- 醫護人員親切有禮的提供協助
推介意見- 優質醫療服務理應如此

註冊專科分類

睇醫生網 Seedoctor